مجلس الأمة

الظهراوي : ” يا حكومة .. حقكم علينا وإحنا غلطانين” ..!!

بالحبر السري - لندن - خاص

اعتذر النائب محمد الظهراوي نيابة عن الشعب والمتقاعدين من الحكومة، وقال باللهجة العامية “مواطن بينجلط الساعة 3 في منتصف الليل، يا أخي أجلها للساعة 7 الصبح، لما يجي مدير المستشفى ووزير الصحة، ومريض القلب من قطاع غزة الحق على المرض لانه ما بميز مين معه رقم وطني ويمن ما معه”، واضاف “هذا شعب بطران جايبن الكم “35” وزير ومش عاجبكو”.

وقال ” نعتذر منكم وثقلناها على الوزراء، وبيجي متقاعد وبتبطر على “200” دينار اي يدفع منهم “5” ليرات كهرباء و”5″ مي ويخبي الباقي، يعني خبي قرشك الأبيض ليومك الاسود”.

واعتذر الظهراوي من وزير العمل قائلاً :”يعطيه العافية لانه قضى على البطالة في جنوب شرق آسيا وما خلى واحد أندونيسي وسيرلانكي إلا جابه على البلد، وولاد الزرقاء والرمثا ما الهم عنده مكان”.

كما اعتذر من وزير التربية وقال: “نعتذر منك لانك بتحط كل “60” طالب في صف أدفى إلهم بس احنا مش فاهمين”.

واستغرب الظراوي ” أنه كيف وواحد هامل جايب “99%” بالتوجيهي وبده يدرس طب، واضاف :” قال بدو يدرس طب طول يومك على الأراجيل وبدك طب لازم تجيب 105 عشان تدرس طب”.
وحول النفاقيات اعتذر من المسؤولين منوهاً:” ونعتذر منكم لانكم بتشوفو حاويات الزبالة حوليها زباله، بس قصروها حتى يوكل ولاد البلد ، وقال حقكم علينا لانه حاطين خزان مي مترين هم بدهم يسبحوا”.
وحول الضمان قال:” هذه حزيرية الضمان يا وزير المالية وعلي الضمان ما ني عارف وين رايحين فينا”، واضاف ك” احسبوا معي موظف راتبه “500” ليرة عشان يشترى شقة بده لما يموت، وزعوا أرضي على المواطنين الارض من هون للعراق” والا بتفكروا ان دار الاخرى خير وابقى”.
وختم حديثه موجه إياه للوزراء:” كل يوم بتهددوا الشعب عشان الحظر، ما بتسألوا من وين الناس بتجيب مصاري”.

مقالات ذات صلة